PANALANGIN PARA SA KALIGTASAN MULA SA INFLUENZA A(H1N1)
Mabaging Dios, kami na iyong mga Lingkod ay nagsusumamo sa Iyo, na kami’y ay iyong iligtas sa kahit anu mang kapahamakan lalo na sa aming mga kaluluwa. Wala po kaming ibang maaring lapitan kundi ikaw lamang, aming Ama, kaya naman kami ay humihiling na inyo kaming iligtas mula sa panganib ng Influenza A(H1N1). Ang kalusugan ng aming katawan ay s’ya naming inaasam sa mundong ito, ngunit higit naming inaasam ang kalusugan ng aming mga kaluluwa. Kaya naman ay kung marapatin N’yo po kami ay iligtas mula sa Influenzang pang-spiritual at pisikal. Kalingain N’yo po aming Dios ang lahat ng biktima sa sakit na ito. Tulungan N’yo po ang mga pamilya, mga doktor at lahat ng mga nangangalaga sa mga pasyente. Tulungan nyo po ang lahat ng mga naghahanap ng lunas sa karamdamang ito. Hinihiling namin ito sa Pangalan ni Hesus na aming Panginoon, ang nag-iisang doktor ng aming buhay. Amen.
